Кызьы вамышъяськом, отчы ик вуиськом.
Умой, гажанчики, кемалась ӧй возьматъяськы, котьку сямен. Щечас тодмато берпуметӥ иворъесыным.
Мон пияш, кудӥз быдтӥз магистратураез. Эшшо мон улисько асьме старанаын, и мыным ӧвӧл на 27 арес, а со значит, что мыным кулэ дасяськыны армейкае, яке кулэ дасяськыны грамотно косить. Мон инженер, юридический арбериосын туж ик тодмо ӧвӧл, соин ик куроно кариськи юрттэт одиг канторалэсь, кудъёсыз юртто мон кадь пияшъёслы.
Нырысь ик малы мон озьы кари.
Мыным али 24 арес. Дышетски, ужасько, почти кышнояськи, нош "бадӟым" агайёс туртто монэ асьсэлэн кырсь шудонъёсазы пыртыны. Пичи дыръязы войнушкиен шудыса кӧтсы тырытэк, будыса шудо зэмос войнаен, шузи пиналъёсыз "тушмонъёс улэ куяса". Нош малы соос озьы каро? Чихуа-хуаез тодӥськоды-а? Вот со пичи, начар, нокин солэсь уг кышка, но со дыре со ваньзылэсь зол утэ, кулэ-а ӧвӧл-а, пинъёссэ возьматъя, нош со шоры жаляса но уг ни учко. Так вот, мон малпамъя, туала ожъёс развитый старанос куспын уг ни ортчо бусыосын ыбылӥськыса да мар да. Малы кулэ ож? Оглом вераса - байкыны. Азьло со луэ вал байкыны, ку ке тынад самый бадӟым муъемед, самой трос калыкед. Нош али байкон понна музъемлэн быдӟалаез ӧвӧл ни главной. Али музъемлэсь трослы кулэгес визьмо адямиос но соослэн ужъёссы, кудъёсыз кыско вань калыкъёсыз азьлан. Асьмеос со ожез кемалась келям ини, соин ик нокыӵе супер-пупер ракетаос но ӝутонтэм кулиос уз ни юрттэ азьлане потыны. Мон со к чему, армия али кулэ зӥбыны пичи местный конфликтъёсыз, нош быдӟым ожъёс ортчо финансовый биржаосын. Отын ик ваньмыз луэ валамон, кин эксей, нош кин чихуа-хуа.
Кыкетӥ, малы мон озьы кари
Али дыре юнме малпамын ӧвӧл университетъёс но институтъёс. Соос дышето адямиез сюбег специальностьлы. Котькин кулэ луыны аслаз интыяз, сыӵе адями пайдаё но шудо луэ. Озьы ик армия – со сыӵе ик уж, кытыны кулэ луыны дасям но рос-прос адямиос.
Куинетӥ малпан.
Мон не патриот. Точнее, мон туж яратӥсько вордӥськем музъемме. Но кытын солэн кунгожез, пожалуй, уг вера. Мон конъюктурщик. Мон учкисько, адӟисько, вуисько кыӵе ке малпан доры. Туж ӵӧм со луэ йыркуръятӥсь малпан.
Али ортчисько медкомиссия, мар ке мында уксё быре. Ну мед ини, малпасько, талэн луоз пайдаез.
А тӥ, гажано лыдӟисьёсы, лэзьысалды а нылпидэс армие, яке мынысалды а отчы али но малы?
Пэ.сэ. Курисько вератэк типа "армия каре пияшъёслэсь зэмос воргоронъёс" но со нерге нелепый веранъёс. Малпасько тӥ пӧлын сыӵеосыз ӧвӧл.